17 лістапада 1999 года на 30-й сесіі ЮНЭСКА 21 лютага абвешчана Міжнародным днем роднай мовы. Гэтае свята накіравана на падтрымку нацыянальных моў і культур, захаванне нацыянальнай адметнасці і самабытнасці, забеспячэнне права кожнага чалавека карыстацца роднай мовай.
З года ў год у нашай краіне адзначаецца гэтае свята. Па ўсёй краіне праводзяцца асветніцкія лекцыі, семінары, акцыі па абароне дзяржаўнай мовы, квізы і квэсты.
Таму ў чытальнай зале нашай бібліятэкі прайшоў лінгвістычны квэст “У краіне роднай мовы”. Удзел прынялі 4 каманды: “Вясёлыя хлопцы”, “Старкі”, “Зорка” і “Беларусачкі”.
Хлопцы і дзяўчаты перакладалі словы на беларускую мову, збіралі “рассыпаныя прыказкі”, адгадвалі мастацкія творы па эмоджы і рабілі яшчэ шмат цікавых заданняў.
Паміж падвядзеннямі вынікаў глядзелі відэаролікі пра цікавыя факты бедарускай мовы, а таксама аб самых прыгожых месцах Беларусі.
У выніку спаборніцтва першае месца заняла каманда “Беларусачкі”, другое - “Зорка”, трэццяе - “Старкі”.
Кожная каманда атрымала дыпломы і салодкія прызы.
Удзельнікі квэсту ня толькі правялі час з карысцю, але весела і не сумна.

1 2 3 4 След »